Asesoría 360⁰

Axestión é o resultado da reflexión dun grupo de xuristas que chegamos á convicción de que so poñendo en común os nosos coñecementos e experiencia en distintas especialidades, podemos ofrecer un traballo honesto e de calidade.

Continuar con prácticas antigas nas que un so profesional procura dar resposta a todo non é sustentable, e proba disto é que so no 2016 o Congreso dos Deputados tramitou 16.497 iniciativas lexislativas, as que lle hai que engadir os Regramentos da Unión Europea, as leis do Parlamento de Galicia e as ordenanzas municipais de cada Concello.

Nestes tempos hai profesionais que optan por derivar asuntos, coas conseguintes disfuncións, ineficiencias e falta de responsabilidade ante os problemas, e clientes que levan unha cousa a cada profesional, perdendo a visión de conxunto e non sabendo ao final quen é quen.

Axestión é sinónimo dun asesoramento completo, especializado e de calidade. Un asesoramento de 360 graos para vostede e para a súa empresa.